- Tumblr Posts
طيلة الوقت أجدني أفكر دوماً في الأشياء الباكية
وفي نفسي أراني لا أنتظر إلا اللحظات السعيدة!
- محمد سعد دانيال
أبحث عن بَسْمَات العابرين
عن الضحكات الصافية وسط أحاديث الأحبة
تُمثلني الكلمات الهادئة
ويُسعدني كل بَشير خَيْر يقابلني.
- محمد سعد دانيال
أكره مصطلح:
”قلة الحيلة“
لأنه يذكرني دائماً بنفسي.
- محمد سعد دانيال
القلق يُمزقني، وإني أتألم..
أعيش في عذابات متتالية، آهات تلو أوجاع تصعق قلبي..
وإني أخاف أن يستمر هذا التوحش الذي يجتاح روحي دونما رحمة..
ليتني أستطيع الإختيار
لأمنح نفسي فرصة واحدة وهي الخلاص والانتهاء من كل شيء..
- محمد سعد دانيال
يحدث أن أحب أن أكون وحدي، في عالم لا يُهمه معنى أن يكون الشخص بمفرده بإرادته، دون الحاجة لصحبةِ أحد في وقت ما، يختار لنفسه ولو قليلاً من حياته الخاصة في حياةٍ انعدمت فيها حرية المرء الشخصية.
- محمد سعد دانيال
الخوف قادر يقتل أملنا في كل حلم نفسنا فيه
- داني
اختار الناس اللي شبهك، متبقاش عويل وتتعلق بأي حد تقابله، ومتفضلش تدبدب في الأرض زي الأطفال لما حد يمشي، لإنك مش هطول أبدًا اللي نفسك فيه، وعوّد نفسك إنك في أي لحظة ممكن تبقى لوحدك، فبلاش جو أين ذهب الذين أحبهم وازاي بسهوله كده سابوني واتنسيت.
- محمد سعد دانيال
الخوف ف عقلك.. وهم، ومش حقيقي .. خايف تغلط! ليه؟ ياعم اغلط بس اتعلم، الغلطات مش نهاية، الغلطة دايما البداية لكل حاجة صح بعدين، ونفترض يعني لو غلطك النهاية،. يبقى انت عملت اللي تعرف تعمله دلوقت، وشكراً.
- محمد سعد دانيال
عارف إن ساعات بتشغلك نظرة الناس ليك لكن دا مش مهم أبدًا، المهم نظرتك انت لنفسك، وتكون راضي بحالك وتركز مع نفسك وبس وتبص قدامك، ومتبصش وراك غير في حالة واحدة؛ إنك تتعلم من الماضي وتستفيد من دروس امبارح ليك، وشكراً.
- محمد سعد دانيال
وانت بتتعامل مع حد جديد عليك، متتسرعش وخليك هادي، واعرف الأول الشخصية اللي قدامك عشان دا هيحدد الأسلوب اللي هتعامله بيه، وليه انت ممكن تتعامل معاه بعدين لإن ده هيسهل عليك كتير ازاي تحدد مكانته في حياتك، وهل الشخص دا ينفع يبقى من دايرة معارفك، ولا علاقاتك العامة، ولا ممكن يبقى صاحبك ولا علاقة سطحية والسلام، وشكراً.
- محمد سعد دانيال
أُحب الرحمة ومَنْ يتصفُ بها
ومَنْ يرحم ضعف سواه ومَنْ دونه، تنالهُ رحماتُ رب الناس، وفضل فعله لا يُنسى وتعودهُ الرحمة هبةٌ في كل شيء.
- محمد سعد دانيال
انت عايز تلحق اللي سابقك، مش لوحدك، اللي سابقك عايز يلحق برضه اللي سابقه، واللي سابق قدام مش عايز حد يلحقه، أما اللي سابق الكل لا فارق معاه أنا وراه ولا لأ، ولا همه انت على نفس الخط ولا مريَّح، ومش شاغل تفكيره بالي بعد منه خالص .. الحكاية وما فيها هو مركز على نفسه وماشي عد قد إمكانياته وبياخد النَفس على قد عِزمه ...
أصلها مش سباق .. ولا كانت.. بس احنا اللي موهومين ...
بُص هناك دا فلان فارق عن الكل
طب بُص هِنا دا عِلان نايم في الخط
محدش واخد باله فلان اللي فارق عن الكل دا حرم نفسه من ايه عشان يبقى في الحتة دي، وحياته بتمشي ازاي عشان يوصل للي هو فيه.
ونفس الناس برضه شايفه اللي نايم ف الخط دا مقصر، ما شافوش ظروفه وهو كان فوق وفي لحظة بقى في الأرض.
أنا بدردش معاك مش أكتر
امشي على مهلك، امشي كل خطوة في وقتها، متجريش عشان الناس بتجري، متوقفش عشان الناس تعبت، اجري لما تسخن كويس ويبقى فيك النفس تدوس كام متر لقدام، وهدِّي لما تلاقي نَفسك بيقطع.
- محمد سعد دانيال
= مجاش في بالي خالص إني هوصل لمرحلة أكون فيها لوحدي، وناس كتير حواليا.
= ازاي لوحدك والناس حواليك
- زي ما اكون صبارة في صحرا مفيش حواليها غير الفضا، مالهاش فايدة، ولا رجا إن حد يجي يزورني.
= زي ما أكون موجود في مكان بعيد عن كل الناس، مستحيل حد يضحّي علشاني، ويقرّب مني يسألني مالك؟
- يعني اللي فهمته من كلامك إن الناس اللي بتحبهم شاغلين بالك، وانت مش واخد بالك أصلا انك جيت واتغيّبت ومشيت لا مكانك لساه موجود ولا حد فكر يطمن عليك
= مش كده بالظبط!
- أمال ايه ؟
= أنا يا فوزي ضحيت بكل حاجة بحبها عشان ناس أنا مكنتش فارق معاهم خالص .
- اهو انت عامل زي كُشك على طريق سريع لا الناس واخده بالها من وجوده، وحتى اللي بيعدي عليه مرة ممكن اوي ميعديش عليه تاني.
= انا عمري اتبعزق، واتسرقت مني أحلى أيام عمري، عارف ازاي؟
- .....
= ضيعت كل حاجة برضاي، دفعت كتير اوي عشان أظهر في الصورة ولما فكروا أظهر معاهم في الصورة، اخدوا اللقطة ولما جيت افرح إن الصور جمعتنا سوا، كانت الصدمة؟!
- صدمة ايه ؟
= قصوا مكاني في الصورة، ومسحوا كل ذكرى كانت بنا وفي الآخر اكتشفت إنهم عملوا مونتاج مخصوص لذكرياتنا عشان اكون بعيد عن العين، مالوش مكان في قلوبهم.
الحوار لـ محمد سعد دانيال
”الخوف الحاجة الوحيدة اللي بتشل قدرتنا على التفكير الايجابي تجاه حياتنا، تخيل تبقى عايش يومك مشاعرك عبارة عن توتر وضغط نفسي وقلق، هتكون النتيجة ايه خوف من أي حاجة تواجهك لدرجة إن لو حد قالك عامل ايه وقتها هتخاف ترد عليه هتحس انك بتكدب على نفسك لو قلت له إنك بخير، وإحساس انك محاصر بالألم النفسي من كل مكان مخليك متعطل مش عارف تاخد خطوة لقدام، ولا قادر تحس بمكانك دلوقت بالظبط يعني انت فين ورايح فين، يا اخي انت ممكن تشك حتى إن الناس بتهرب منك وبتسيبك لوحدك عشان انت بس تايه جوا دماغك، افكارك طول الوقت بتسحلك معاها في أحداث وحاجات مش بتحصل غير في دماغك انت، فتبدأ تقول فلان دا مبقاش يحبني زي زمان، وفلان ده كاره لي الخير عشان أنا احسن منه، وعلان ده مش بيطيق سيرتي لإني أنجح منه وهو ياما راهن على فشلي بس انا نجحت، دماغك هتفضل تسوح فيك في ألف حوار ومليون حكاية مش موجودة ممكن بس عشان انت خايف تواجه نفسك في الأول قبل ما تواجه مخاوفك، تاخد موقف من نفسك انت ازاي وصلت للمرحلة دي وانت المفروض تعيش حياتك طبيعي ومبسوط وزي كل الناس؛ ولا كل الناس بقت شبهك ولا انت أقل واحد في قايمة اللي محتاجين مساعدة ومنتظرين حد يجي يساعدهم، ويقولهم تعملوا واحد اتنين تلاته، وتستمروا على النظام ده الفترة المعينة دي، ولو حصل أي جديد تتصلوا على خدمة العملا؟!“
- محمد سعد دانيال
حد تايه في عقله
مالوش مع قلبه سكة سالكة
عاشر من الناس قد ما عاشر، وفي الآخر
رِجع لوحده والوحدة مش تِركة
- محمد سعد دانيال
”أنا تائه، نفسي التي تُشبهني فقدتُها، قلبي يدقُ ألماً في صدري، أما روحي فإنها مُثقلةٌ بالتعب“.
- محمد سعد دانيال
”لقد تعبت، والكلمات لا تُسعفني لأُخرج ما في قلبي من آهات، ولا تكفي لوصفِ ما أشعرُ به من ألم“
- محمد سعد دانيال
”لم أصل، ولم أجد استراحةً لأنفض عنّي التعب“
- محمد سعد دانيال
