- .

- وحشتيني قُلت أسأل عليك.

= يا ابني ما أنا معاك على طول.

- بس دا ميمنعش إنك بتوحشيني؛ ما بالك بقى وانتي مش هِنا.

- محمد سعد دانيال

ياريت نركز شوية في الجُملة دي "I can love you and still let you go" اللي هو أنا مُمكن أبقى بحبك وأسمحلك تمشي عادي وأخسرك؛ كون إنّي بحبك دا مش معناه هستحملك وإنت بتأذيني وبتعمل حاجات تزعلني، أه مُمكن أفضل أحبك بيني وبين نفسي لكن لو لقيتك بتأذيني هخسرك وهتخرج برا حياتي بسهولة جدًا.

"مَنْ يُنسيك همومك وأنت معه؛ هو ببساطة يريدُ أن يحمل حزنك بالنيابة عنك؛ لا لشيء فقط لأنه يُحبك، وأنت تعني له ما لا تعرفه من عظيم القدر عند، وعلو المنزلة في حياته، وأنت من المكانة بأهمية في قلبه؛ فإياك أن تنسى."

- محمد سعد دانيال

- انتي إيه حكايتك ؟!

= حكاية ايه !!

- لأ بجد ايه حكايتك ؟!

= ايه يا عبده فيه ايه مش فاهمة !!

- مالك عماله بتحلوى كده ليه ؟!

– لن اعيش في جلباب أبي (١٩٩٦)

"كانَ سماعُ صوتك في نهاية يومٍ شاق لهُ وقعٌ لا يشابهه الا صوتُ المذيع في نشرة الصباحِ لِدولة محتلة مُعلنًا إن البلاد عادت آمنة حُرة."

المسافة بتخلق صعوبة فهم البعيد، وسهولة تعقيد بساطة حياته.

الغريب مش عدو، لكن الغربة عداوة.

بعض اللي قرّب كنا فاهمين عنه أفكار غلط تماماً، بسبب الطريقة اللي بنفكر بيها، وفهم الغلط للأسباب اللي بتخليه يعمل حاجة مُعينة.

متبقاش ناقد لحد كل اللي تعرفه عنه؛ اللي بتسمعه عليه، بدون معاملة مباشرة وقُرب اجتماعي بيجمعك بيه.

متصدقش كل اللي يتقال، انت مش جهاز تسجيل بتحفظ اللي بتسمعه، ولا انت بغبغاء متدرب على جملة تسمعها بأمر وترددها بجهل على كل الناس.

انت إنسان عندك عقل تقدر تفكر وتعقل الدنيا وتفهم سير الأحداث وتكشف الحقيقة من نفاق الواقع ..

متبقاش آلة مُستخدمة لترويج أي رأي أو نظرية لصالح قرابة أو معارف أو مصالح.

التقارب بيخلق أفكارنا تجاه القريبين مننا؛ مش البُعد والجهل والمسافات الحقيقة مصدرها الإحتكاك المباشر؛

مش فلان قال وعلان حكى وأنا سمعت.

- محمد سعد دانيال